January 10, 2011

أمان … سيوة

Posted in Arabic, Places, Quotes, Slang at 1:44 pm by Rou...

“The famous oasis of Siwa…cannot be said to have fallen from its high estate…only it has stood still while the world went on!”

~ Wilfred Jennings-Bramly, A Journey to Siwa in October-September 1896


زمان في حصص الجغرافيا في المدرسة كنا بندرس إن زي ما الجزيرة هي قطعة أرض محاطة بالمياه من جميع الجهات، الواحة هي منخفض به زرع وماء محاط بالصحراء من جميع الجهات… وكنا عارفين المعلومات التقليدية جداً عن عدد الواحات في مصر وإن أكبرهم واحة سيوة…


معلوماتي عن سيوة لم تتعد الحاجات دي لحد تلات سنين فاتوا لما صديق عزيز ساب شغله واشترى أرض في سيوة وراح يزرعها… من كلامه عن المكان وكلام ناس تانية راحت هناك بعدها كنت حاسة إن سيوة هي جنة ربنا على الأرض…


ولكن الحقيقة إن هي مش كدة بالضبط… سحر سيوة الحقيقي من وجهة نظري يكمن في بساطتها… في إحساس الأمان اللي عمري ما تخيلت إنه موجود بالمنظر ده… في الطيبة والأصالة الحقيقية اللي جوة ناسها… في حبهم للمكان اللي عايشين فيه و ثقافتهم و بساطتهم وتفتحهم في نفس الوقت و حتى في لغتهم السيوية وإعتزازهم بيها… في السكينة و الهدوء النفسي اللي بيفرض نفسه على أي شخص يزورها…


طبعاً الطبيعة هناك رائعة… لكن روعتها تتمثل في أرضها البكر التي لم تلوثها أيدي البشر… أرض ليها خصوصية و جمال متفرد حيث النخيل يعانق البحيرات و العيون العذبة و المالحة، السخنة والباردة و من خلفهم كثيبات رملية عملاقة وأطلال المدن الطينية التي كانت… كوكتيل من الألوان الطبيعية اللي تخليك تتأمل في روعة خلق الله…


الصحراء عالم تاني… إنك تبقى حقيقي واقف وسط مساحات لا نهائية من الكثبان الرملية… إنك ما تسمعش إلا صوت نفسك أو صوت حركة الرمل تحت رجلك… الصحراء بتغير الروح و تسيب عندك إحساس إنه… ياااااه… هو أنا إزاي صغير كدة وسط الكون ده كله…


حتى المزارات هناك على الرغم من إن معظمها أطلال و لكن ليها طعم مختلف… كأنك تستنشق فيها عبق السنين…


بالنسبة لي سيوة مش جنة… سيوة هي المجتمع الفاضل… يوتوبيا…

Siwa

Siwa, Photo by Rou...

كل مرة بخرج فيها برة القاهرة ببقى حقيقي مش عايزة أرجع تاني… وكل مرة أزور فيها مكان لسة ناسه فيهم الخير بالشكل ده بيرجع لي أمل… شوية أمل في إن بكرة يمكن يكون أحسن… يمكن بيهم… وبينا…

في جملة جميلة قوي إتقالت عن سيوة على لسان صديقتي سامية عاشور…
“أمان: هى كلمة “مياه” باللغة السيوية و أمان: هو الشعور اللى جالنا كلنا و احنا فى سيوة…”


أمان … سيوة

Advertisements

4 Comments »

  1. احمد شبانة said,

    السلام عليكم
    انا نفسى فعلا اهرب من الحياة المدنية دى واعيش حياة بيور ممكن تعرف ازاة اعيش فى سيوة

  2. Rou... said,

    وعليكم السلام… تقصد إيه ب إزاي تعيش هناك؟
    أعتقد إنك لو رحت هناك في زيارة تقدر تقرر

    • احمد شبانة said,

      السلام عليكم
      اقصد لو حبيت اشترى ارض تحت الاصلاح داخل سيوة او قريبة من سيوة وحبيت ازرعها فى حدود عشرة افدنة مثلا فبكمالفدان وكم يتكلف تصليحها وبناء منزل بها

      • nourhan said,

        حضرتك انا من شركه الاشراف جروب للاستثمار العقاري و عندنا ارض في سيوه ب 5000 جنيه للفدان و في تسهيلات حتي 24 شهر


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: