March 10, 2011

الدم ده دمي

Posted in Arabic, Fav. Lyrics, Reflections, Revolutionary and Politician, Slang at 11:27 pm by Rou...

طارق عبد اللطيف محمد محمد الأقطش… صديق عمر أخويا الكبير…
أعرفه من إمتى… مش فاكرة… لكن يمكن أحسن وصف يكون: I’ve known him since forever

يوم 28 يناير طارق نزل في مظاهرات جمعة الغضب لأول مرة في حياته زي كتير مننا…
كسر جواه حاجز الخوف و السلبية زي كتير مننا…
لكنه مارجعش بيته زينا…

طارق إختفى تماماً من يومها… أهله و أصحابه و كل اللي يعرفه كان بيدور عليه…
في الشوارع… في الأقسام… في المعتقلات… في المستشفيات… وحتى في المشرحة…
أربعين يوم من البحث المستمر… من الأمل اللي بيشوبه اليأس ومن اليأس اللي صغر جواه الأمل…

يوم 9 مارس جالنا الخبر… طارق إستشهد…
مافيش تفاصيل كتير… ولكن في غالب الأمر هو لقى ربه يوم 28 نفسه برصاصة غادرة في رقبته…
وفي غالب الأمر أيضاً كم الجثث اللي راحت المشرحة كانت أكبر من عدد ثلاجات الحفظ… و بالتالي في كتير منهم أجسادهم الطاهرة لم يتم حفظها…

عارفين يعني إيه واحدة تروح تتعرف على جسد جوزها اللي حتى ملامحه ماعادتش باينة…؟
عارفين يعني إيه أم تفقد إبنها اللي حملته في رحمها شهور و سهرت على تربيته سنين…؟
عارفين يعني إيه أب يفقد إبنه و إخوات يفقدوا أخوهم…؟
عارفين يعني إيه طفلتين أكبرهم 6 سنين و أصغرهم سنة يفقدوا أبوهم…؟
عارفين يعني إيه أصدقاء يفقدوا صديق العمر و رفيق السنين…؟

أنا مش عارفة و لا قادرة حتى أتخيل و لا أستوعب…

أنا يمكن أكون بقالي حوالي عشر سنين ماشفتش طارق… و لكني من ساعة ما عرفت الخبر وأنا صورته مش مفارقة خيالي… بفتكر لما كان بييجي البيت عندنا… و لما كنت بنزل مع أخويا و أصحابه و هو معاهم… بفتكر مشاهد و أحداث… تاريخ بيعدي قدام عينايا…

إذا كان ده إحساسي… أمال هم إحساسهم إيه…؟

أي واحد مننا كان ممكن يكون طارق… كلنا نزلنا يوم 28 وإحنا عارفين إننا ممكن ما نرجعش…
هم راحوا… وإحنا فضلنا لحكمة ربنا وحده اللي يعلمها…
لكن حقهم علينا إننا ناخدلهم بتارهم من اللي باعوهم وباعونا…
الناس دي مننا… أهلنا وإخواتنا وأصحابنا…
الدم ده دمنا…
أنا عايزة حقه و حق كل شهيد…
الثورة ماينفعش تخلص من غير ماناخدلهم حقهم…
دمهم ماينفعش يروح هدر…

كل مرة كنت بسمع فيها الأغنية دي مابقدرش أمسك دموعي…
لكن معانيها دلوقتي ليها معنى مختلف قوي…

“قولوا لأمي متزعليش.. وحياتي عندك متعيطيش
قولولها معلش يا أمي.. أموت أموت وبلدنا تعيش
أمانة تبوسولي إيديها وتسلمولى على بلادي

في جسمي نار ورصاص و حديد.. علمك في إيدي وإسمي شهيد
بودع الدنيا وشايفك.. يا مصر حلوة ولابسة جديد
لآخر نفس فيا بنادي.. بموت وأنا بحب بلادي

طايرين ملايكة حواليا طير.. لحظة فراقك يا حبيبتي غير
همشي معاهم وهسيبك.. وأشوف يا مصر وشك بخير
قالولى يلا ع الجنة.. قولتلهم الجنة بلادي”

ربنا يرحمك يا طارق و يتقبلك مع الشهداء و يجمعنا بيك في الجنة إنت وكل اللي راح عمرهم عشان البلد دي تعيش…

رحاب رجائي
في 10 مارس 2011
Advertisements

26 Comments »

  1. Rabena yr7amoo ya re7ab w na5od btaro w tar kol elly zayyo :((

  2. Rou... said,

    Amen Amen…

  3. Marsguy said,

    Rabena yer7amo in sha Allah

  4. waleed Farrash said,

    اللهم : أبدله دارا خيرا من داره وأهلا خيرا من أهله وزوجا خيرا من زوجه وأدخله الجنة وأعذه من عذاب القبر ومن عذاب النار

    اللهم : عامله بما انت اهله ولا تعامله بما هو أهله
    اللهم : ان كان محسنا فزد فى حسناته وان كان مسيئا فتجاوز عن سيئاته
    اللهم : أدخله الجنة من غير مناقشة حساب ولا سابقة عذاب
    اللهم : انزله منزلا مباركا وانت خير المنزلين
    اللهم : انزله منازل الصديقين والشهداء والصالحين وحسن أولئك رفيقا
    اللهم : أجعل قبره روضة من رياض الجنة ولا تجعله حفرة من حفر النار
    اللهم : أفسح له قبره ومد بصره وأفرش قبرة من فراش الجنة

  5. Rou... said,

    اللهم آمين

  6. Lost and Found said,

    دماء شهدائنا لم و لن تذهب سدى.هم ذهبوا عنا بأجسادهم و لكن روح الثورة أصبحت في كل قلب مصري مازال ينبض.واجبنا ان نحافظ على ما تحقق بدمائهم و الأضافة إليه…واجبنا أن يعيش أطفالهم و أطفالنا الحياة التي ضحوا بحياتهم من أجلها.
    في الماضي الذي ليس ببعيد كان المصري مثار السخرية أما الان بفضل هؤلاء الشهداء اصبح العالم كله يتعلم من المصريين.
    اللهم تقبلهم بواسع رحمتك و أسكنهم فسيح جناتك.

  7. Rou... said,

    كلامك صح يا رامي…

  8. Noble said,

    That’s why we should always persist on calling for revenge from every one caused and shooted innocents. Espcially from the police who suppose to protect us not to shoot us dead.

    I hold my condolences after taking their revenge. In Arabic “3aza el shaheed maytakhedsh 2abl tarrro”

    A memorial for all the shouhada will be only accepted after their revenge.

  9. Rou... said,

    I agree ya Noble… “3aza el shaheed maytakhedsh 2abl tarrro” indeed…

  10. Rehab Riad said,

    كلامك مؤثر قوي يا رحاب
    دم شهدائنا مش هيروح هدر
    ربنا يرحمهم جميعا…

  11. hossam said,

    ولكم في القصاص حياة

  12. Mohamed hassan said,

    الله يرحمه ويدخله فسيح جناته—— أنا أول مره اشوفه لكن حاسس أنى بحبه جدا

  13. جمال التطاوى said,

    اخانا طارق ربنا راضى عنه واختاره ليعيش خالد فى جنته
    فاعلمى ياختى العزيزه ان احب الله عبد نادى فى ملكوته وقال ياعبادى حبو فلان فانا احببته
    وكما تقولين وزملائه فى العمل ايضا يشهدون بذالك انه كان انسان محبوب وعلى خلق ودليل اخر ان ربنا اختار ليسكنه جنات الفردوس فهنيئا له
    والله والله والله كنت اتمنى ان اكون معهم ولاكنى عدت حيا واذكرك قول الله تعالى
    ولا تحسبن الذين قتلوا فى سبيل الله امواتا بل احياء عند ربهم يرزقون
    فما لنا الا ان ندعوا الله ان يلحقنا بهم على خير
    اللهم : أبدله دارا خيرا من داره وأهلا خيرا من أهله وزوجا خيرا من
    زوجه وأدخله الجنة وأعذه من عذاب القبر ومن عذاب النار
    امين امين يارب العالمين

  14. Nermin othman Ismail said,

    allahoma sabetho 3end al so2al w eg3l 3amalo al sale7 mo2nes laho fi kabreh w adkhelo al ferdaws al a3la bedon 7esab wala sabekat 3azab. amin

  15. Shehab Monir said,

    للهم ارحمة وادخلة فسيح جناتك ونحتسبة عند الله من الشهداء ولا نزكى على الله احداوالهم اهلة الصبر والسلوان
    فى جنة الخلد يا طارق ودمك مش هيروح هدر

  16. Rana said,

    very nice expressive words.. allah yer7amoh we ysabar ahloh .

  17. nermin saif said,

    tarek was our colleague in yehia elrafie school…i always remember him as the polite descent boy who was always keen on others…couldn’t believe it till now that he has been murdered by cold blooded people…res in peace ya tarek we will never forget you

  18. Rou... said,

    اللهم آمين لكل دعواتكم

  19. Ramy Khallaf said,

    طارق كان زميلي في الشغل بس اتقابلنا مرة وحدة بس لمدة إسبوع السنة إلي فاتت برة مصر … علشان بنشتغل في موقعين مختلفين … و لكن يشهد الله اني أنا إعتبرت هذه الانسان المحترم أكتر من أخ ليه .. طارق انسان مهذب جداً و أخلاقه عالية .. كنا بنتكلم دايماً عن أحوال و مستقبل البلد في مصر و امته نتغير بقى …. بس مكنتش أعرف إن الإجابة هتكون بسرعة كدة و إن طارق نفسه هيكون شهيد و بطل …. الله يرحمك يا طارق يا بطل … وربنا يصبر زوجته وأولاده اللي أنا متأكد إن طول عمرهم هيفضلو فخورين بيه و بدمه الطاهر إللي سال على أرض مصر علشان مستقبل احسان لينا و لأولادنا ………. أسأل الله أن يرزقنا شهادة في سبيله……………

  20. reham said,

    بجد شكرا..شكرا على هذه الكلمات الصادقة التى عبرت عن مشاعرنا نحن جميعا، نحن أصدقاء الطفولة لطارق – رحمة الله عليه- اللهم صبر أهله جميعا و كل من كان يعرفه

  21. Lost and Found said,

    طارق عبداللطيف .. شاب مصري .. شغال في شركة كبيرة في وظيفة مرموقة يحلم بيها أغلب شباب مصر .. قرر إنه يشارك في الثورة عشان يطالب بمحاربة الفساد وإصلاح البلد ومحاربة اللي نهبوا مصر وكتموا صوت شبابها .. طارق نزل عشان الفقير اللي بياكل من الزبالة وعشان الناس اللي بتموت كل يوم من الأمراض .. طارق ولمدة أكتر من 40 يوم زوجته واخوه كانوا بيدوروا عليه في كل مكان .. إمبارح لقوا جثته في المشرحة .. طارق استشهد برصاصة 4 ملم في رقبته .. اوعوا تضيعوا حق طارق .. اوعوا تفرطوا في حق كل الشهداء .. وادعوا بالرحمة لطارق ولولاده وزوجته وأهله بالصبر .. أخونا اللي مماتش .. للفردوس الأعلى يا طارق

    نقلا عن صفحة كلناخالد سعيد على الفيس بوك….اللي قرأ قصة طارق لحد دلوقتي 13525 وفي اكتر من 6000 تعليق.
    محدش في مصر هينسى دم الشهداء أبدا

  22. Rou... said,

    أشكركم جميعاً و يا رب فعلاً ماننساش الشهداء و نقدر ناخد حقوقهم… ربنا يتقبلهم شهداء و يغفر لينا و ليهم

  23. Amir Gohar said,

    الله يرحمه … هو الجابلنا الحرية.. حقه علينا انا ندعيله وعمرنا ماننساه… ادخله الله فسيح جناته

  24. ramy hatem said,

    ربنا يرحمه ويتقبله من الشهداء بإذن الله، كم يعز علينا فراقه ولكن عزائنا انه فى مكان أفضل ان شاء الله

  25. SO SOOO said,

    الله يرحموا ويرحم كل الشهداءويدخلوا جناتة يارب وحسبيا الله ونعمة الوكيل من كل ظالم

  26. nonaa.ali said,

    كل نفس ذاقة الموت
    انا بتمنى انى انال شرف الشهادة واكيد اننا مش هننساهم لانهم عرفونا اننا جونا ضمير لمراقبت كل مسئول مهما كان حجمه وربنا يجمعنا بيهم


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: