May 8, 2011

يا رب لينا و عليهم

Posted in Arabic, Reflections, Revolutionary and Politician, Slang at 11:50 pm by Rou...

يعني إيه فتنة طائفية…؟
يعني تكره أخوك…؟ تقتله…؟
عمرك فكرت إزاي التعصب و الجهل بيغيروا البشر…؟
عمرك فكرت في حجم الخسارة اللي الكلمتين دول ممكن يسببوه…؟
في الحالة دي الخسارة بتكون مزدوجة… أو Lose Lose Situation زي ما الأمريكان بيسموه…

الحرب – أي حرب – قاسية مش كدة…؟
ما بالك لما الحرب دي ماتكونش ضد عدو… ولكن ضد صديق و جار… يا ترى هتحس بإيه وقتها…؟
كنت دايماً بتعجب لما بقرا عن الحرب الأهلية في لبنان…
كنت دايماً بسأل نفسي إزاي إتنين كانوا أصدقاء عمر يدور بيهم الزمن و يضطروا يقفوا في مواجهة مثلاً…؟

الأيام اللي فاتت خليتني أحس إننا ماشيين بسرعة الصاروخ في إتجاه كارثة حتودي البلد في داهية لو مالحقنهاش…
زمان كنت بقول إن نظام مبارك هو اللي مصلحته يسبب الفتنة دي…
لكن إحنا مش زمان… إحنا النهاردة…
من تاني بقول… هل ممكن اللي حموا بعض في المظاهرات و صلوا مع بعض في التحرير هم نفسهم اللي يقتلوا في بعض بالشكل ده…؟
مستحيل… والله مستحيل…
الدم اللي سال إمبارح في إمبابة مش دم مسلم و لا دم مسيحي… ده دم مصري…
مين المسئول عنه…؟ ومين المستفيد منه…؟
فلول النظام و الثورة المضادة…؟
أه… بس هم عمرهم ما هينجحوا في تخطيطهم من غير الناس اللي بيستعملوهم في التنفيذ…
أنا خايفة… لأول مرة من بعد الثورة أحس إني بجد خايفة عليكي يا مصر…
اللي حصل ده مهزلة… بكل المقاييس… و ماينفعش يمر مرور الكرام…
لازم تحقيقات و محاكمات و أحكام رادعة…
و لازم كمان وعي و تقبل عند الطرفين…
أيوة الطرفين… عشان التعصب في الناحيتين…

أيام أحداث قرية صول كنت بتكلم مع صديقة عزيزة إني تعبت من نبرة الوحدة الوطنية اللي عند كل مشكلة نطلع نتكلم بيها… عشان البلد بلدنا كلنا و المصيبة بتعم علينا كلنا…
صديقة عزيزة قالت كل اللي جوايا بجملة بسيطة و منطقية جداً: “أنا اللي أعرفه إن مش كل من كتب على بطاقته مسلم فهو مسلم، و لا كل من كتب على بطاقته مسيحي فهو مسيحي، بس اللي متأكدة منه إن كل واحد معاه بطاقة فهو مصري… صعبة دي؟”

قلبي واجعني و مش عارفة أفكر… و ماعنديش إلا الدعاء…
يا رب…
يا رب…
يا رب لينا و عليهم…

رحاب رجائي
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: