June 13, 2014
عصور الإضمحلال
تاريخ مصر الفرعونية فيه 3 فترات ملهمة جداً بالنسبة لي وهم عصور الإضمحلال الثلاثة.. سبب شغفي بعصور المفترض إنها فترات ضعف شديد للدولة المصرية مقارنة بفترات إزدهار زي الدولة القديمة والدولة الوسطى والدولة الحديثة، هي فكرة إن عدد سنين يتراوح من 150 سنة لعصر الإضمحلال الأول و110 سنة للتاني و 360 سنة للثالث ندرسها إحنا في كتب التاريخ في المدارس في سطرين تلاتة.. فكرة إن في بشرعاشت سنين، وأجيال متعاقبة تحملت كل أسباب إنهيار الدولة ما بين ضعف الحكام وإنهيار الزراعة والصناعة وضعف الجيش وإنتشار المجاعة والفقر والأمراض وإستبداد حكام الأقاليم للشعب وقيام حركات إنفصالية وحتى التدخل الأجنبي اللي وصل لدرجة الإستعمار أحياناً
فكرة تتلخص في إن التاريخ دايماً مليان مد وجزر وبتأكدلي إن مهما طالت مدة الإنهيار لأجيال، دايماً المسار بيتجه لفوق من تاني
عصور الإضمحلال دايماً بتحسسني بمدى صغرنا في عُمْر مصر
عصور الإضمحلال فيها أمل، لأنها الدليل الأساسي إن مصر هي اللي بتبقى في الآخر
رحاب رجائي
في 1 يونيو 2014
Ahmed Soliman said,
September 12, 2016 at 7:57 pm
كلام كبير ومهم نادرا ما قابلت حد مستوعبه
ليا شرف متابعتبك وتبادل الاراء والافكار بدون تنظير او تعميم
احمد سليمان
ragishokry said,
September 19, 2016 at 12:09 pm
الاستمرار علي قيد الحياة لا يعد دليلا النجاح